‌‎ئەگەر نما لە ئەمریکا بوایە

شەیری بکە

نما نەریمان، ئەو کچە ژیر و ورد و شیرینەی زۆربەمان لەرێگەی فەیسبوک ەوە دەیناسین و قسە و وتەکانیمان بیستوە، ئەو بە تەنیا ئەکتەرێکی منداڵ نییە وەک ئەوەی دەیبینن، بەڵکو نمای واقیعی زۆر پر وزە تر و ژیر و خاوەن را و خەونی زۆر نایابە، و کە دەیبینی دەزانی ئەم کچە شیرینە ناخی پرە لە خەون و دەیەوێت زۆر شت بڵێت. ‌‎کچێک کە لە خێزانێکی ئاسایی پەروەردە بوە بەڵام لە ئێستاوە ئەو بەو تەمەنە کەمەیەوە هەستی بە زۆر پرس کردوە کە کەم منداڵ و تەنانەت گەورەش هەیە بەو ئاستە تێبفکرێ لە ئایندەی خۆی. ‌‎پرسیاری گەورەی هەیە و خاوەن ئاستێکی بەرزە لە پێشکەشکردن و پرسیاری ورد دەکات لەبەرامبەر و زۆر زوو فێردەبێت( ئەمە جگەلەوەی کە دەستبەرداری هەڵسوکەوتی منداڵانە و یاری و گەمە و قسەی خۆش نابێت و یەکجار شیرینە). ‌‎ئەم منداڵە ئەگەر لە ئەمریکا بوایە و بەورادەیە لە سۆشیاڵ میدیا بەدیاربکەوتایە، ئێستا رێکخراوی تایبەت، کەناڵە بەناوبانگەکان و کۆمپانیاکای بواری هونەری و ناوەندەکانی پەروەردە هێندەی تر توانایان پێشدەخست و دەرفەتی گرنگیان بۆ دەرەخساند، دورنەبو ئێستا لە هۆڵیود بێت. ‌‎لە ئەمریکا بەردەوام بەدوای منداڵ و کەسانی بەتوانا دەگەرێن تا ئەوەی زیاتر دەستی بگرن و سودی لێ ببینن بۆ ئایندە و وەک دیارییەکی سروشت تەماشایان دەکەن چونکە ئەمە نە لە قوتابخانە و نە لە زانکۆ فێری نابین، بەڵکو ئەم جۆرە منداڵانە پێدراوی ئیلاهین و تەنیا دەرفەتیان بۆ دروست ببێت دەبنە ئەستێرە. ‌‎ئەوەی ئێستا لە کوردستان لە پشتی نما بێت تەنیا دایک و باوکێکی میهرەبان و خەمخۆرن، میدیا و نوخبە و سیاسییەکان نەک هاوکار نین بەڵکو زۆرجار رەخنەگرێکی روخێنەرن. ‌‎بۆیە ئەگەر ناتوانن پشتیوانی نما بن، ئەوە رێگریشی مەبن لە ژێر ھەر ناوێکی دیکەدا، چونکە تا نەیبینی نازانی نما هەم منداڵێکی پر کەیف ە و هەم قسەەرێکی ژیر و رەخنەگرێکی ورد و نمایشکارێکی لێھاتوو بیرتیژو داهێناکارە. شنیار ئەنوەر

10
سێ شەممە 7 ‌حوزەیران 2021

بابەتی پەیوەندیدار :

هەواڵ و زانیاری