نما ئەگەر منداڵیشی فەوتابێت، کە هیچ وا نییە، منداڵی گەڕاندۆتەوە بۆ هەزاران منداڵی کوردستان. کە زۆرینەی کورد بە ئیسلامی و سیکولار و دەسەڵات و ئۆپۆزیسیۆن دژی کەسێک یا شتێک بوو، دڵنیابە ئەو کەسە یا شتە ڕاست و باش و جوان و بەسوودە. منیش سەرەتا دژی ئەو “بەکارهێنانەی نما” بووم، بەتەواوی بۆچوونی خۆم گۆڕی. ناتوانم بچمە سەنگەری ئەوانەی دژی هەموو شتێکی جوانن. ئەوانەی منداڵی خۆیان بە خراپترین شێوە پەروەردە دەکەن، کەچی بوونەتە دەروونناس و کۆمەڵناس و منداڵناس بۆ نما. منداڵ هەیە لەتەمەنی نمادا لە نەتەوە یەکگرتووەکان وتاری داوە. هیچ منداڵێکی کورد هێندەی نما منداڵی خۆی بەجوانی ناژی. کورد و عەرەب ئاخر کەسن باسی ئەوە بکەن منداڵی چییە و پەروەردە دەبێ چۆن بێت. ئێمە منداڵی کورد دەبینین چۆن پەروەردە دەکرێن، کەواتە هەرچییەکیان لەسەر نما وت پێچەوانەکەی ڕاستە. نما وەک هەر منداڵێکی ئەورووپاییە، هیچی لە منداڵێکی کورد ناچێ، بۆیە کورد ئەوەندە دژیەتی.